ஸ்ரீ லலிதா சஹஸ்ரநாமாவளி –158,159,160 & 161

ஓம் நமசிவாய:

சிவதாஸன் ஜகன்நாதன்  

செவ்வாக் கிழமை,2, டிஸம்பர், 2025   

அனைவருக்கும் வணக்கம்.

ஆன்மீக அன்பர்கள் அனைவருக்கும் இனிய வணக்கம்.நாம் இன்று   அம்பாளின் நிர்க்குண வடிவங்கள் பற்றிப் நாற்பத்து ஆறாவது  ஸ்லோகத்தில் உள்ள 158  159 என்ற இரண்டு நாமாவளிகளையும், 47 வது ஸ்லோகத்தில் உள்ள 160 மறும் 161 என்ற இரண்டு நாமாவளிகளுடன்  நான் கு நாமாவளிகளை பார்க்கப் போகின்றோம். இன்றும் அம்பாளின் நிர்குண ஸ்வரூபங்களை வணங்குவதலான பலன் களைப் பார்க்கப்போகின்றோம் 156 முதல் 195 வது நாமாவளிகள் வரை அம்பாளினை நிர்கண ஸ்வரூபியாக வணங்குவதன் மூலம் அம்பாளின் அருள் நமக்கு எப்படிகிடைக்கும் என்பதையே விளக்குகின்றன.

158. நிர்மதா

நிர் ===== அற்றவள்

மதா ===== தற்பெருமை, ஆணவம்

அம்பாள் தற்பெருமை இல்லாதவள். மதம் என்றால் தற்பெருமை மற்றும் ஆணவம் என்று பொருள். மற்றவர்களிடம் இல்லாத ஒன்று ஒருவரிடம் இருக்கும்போது, ​​அது பெருமையை ஏற்படுத்துகிறது. அவளிடம் எல்லாம் இருக்கிறது, எல்லாமே அவளிடமிருந்து வெளிவருகிறது (ஹிரண்ய கர்ப்பம் அல்லது தங்க முட்டை அல்லது கருப்பை. அது அழியாத பொருளான பிரம்மத்தின் அணி. இது பிரபஞ்சம் உருவாக்கப்பட பொதுவாக பிரம்மாவுக்குப் பயன்படுத்தப்பட்ட ஒளிரும் 'நெருப்பு மூடுபனி' அல்லது தெய்வீகப் பொருள் என்று கூறப்படுகிறது. இது ரிக் வேதத்தில் ஒரு தங்க முட்டையிலிருந்து பிறந்ததாக விவரிக்கப்பட்டுள்ளது, அவை சுயமாக இருப்பதன் முதல் மாற்றங்களாக நீரில் வைக்கப்பட்ட விதையிலிருந்து உருவானது.) அவள் எதையாவது பெருமை கொள்ள வேண்டிய அவசியமில்லை.

 

159. மதநாஶினி

மத ======= தற்பெருமைகளை,ஆணவத்தை

நாஶினி ====== அடியோடு வேரறுப்பவள்

அவள் தன் பக்தர்களின் தற்பெருமையை அழிக்கிறாள். தற்பெருமையை அழிப்பது பிரம்மத்தை உணர ஒரு முன்நிபந்தனை. என்று போதிக்கப்படுகிறது. அவள் தற்பெருமையற்றவள், தன் பக்தர்களும் தற்பெருமையற்றவர்களாக இருக்க வேண்டும் என்று அவள் விரும்புகிறாள்.

 

160. நிஶ்சிந்தா

நிஶ் ====== இல்லாதவள்

சிந்தா ======= கவலைகள்

அவள் கவலைகள் இல்லாதவள். கடந்த காலத்தை நினைவு கூர்வதால் கவலைகள் எழுகின்றன. அவள் காலத்தையும் இடத்தையும் தாண்டியவள் என்பதால், அவளுக்கு கடந்த காலம் இல்லை. பிரபஞ்சத்தை நிர்வகிக்கும் பொறுப்பு இருந்தபோதிலும், அவள் கவலைகள் இல்லாதவள் என்றும் கூறலாம், ஏனென்றால் அவள் புத்திசாலித்தனமாக தனது பணிகளை வாராஹி மற்றும் ஷ்யாமலா போன்ற தனது அமைச்சர்களிடம் ஒப்படைத்திருக்கிறாள். நவாவரண பூஜை மூலம் ஸ்ரீ சக்கரத்தை வழிபடும்போது இதை அறியலாம்.

161. நிரஹங்கா

நிர் ======= இல்லாதவள்

அஹங்கா  ====== அஹங்காரம்

அவள் அகங்காரம் இல்லாதவள். நாமம் 139 இல் ஏற்கனவே விவாதிக்கப்பட்ட சத்வம், ரஜஸ் மற்றும் தமஸ் ஆகிய மூன்று குணங்களிலிருந்து அகங்காரம் எழுகிறது. நிர்குணம், அவள் இந்த மூன்று குணங்கள் இல்லாமல் இருக்கிறாள் என்று கூறுகிறது. அவளுக்கு குணங்கள் இல்லாததால், அவள் அகங்காரம் இல்லாதவள் என்பதைக் குறிக்கிறது.

மேற்சொல்லிய நான்கு குணங்களும் நிர்குண ஸ்வரூபியான அம்பாளுக்கு சுத்தமாக இல்லை என்பதால், அம்பாளை உளமாற வழிபடும் ஜீவாத்மக்களுக்கும் இந்த குணங்கள் இல்லாமல் போவதோடு அவர்களும் ப்ரம்மத்தினை உணர்வதற்கும் ப்ரம்மத்துடன் இணைவதற்கும் வழி வகுக்கும்

 

இத்துடன்இன்றையபதிவினைநிறைவுசெய்கிறேன் .                       நாளை  நாற்பத்து ஏழாவது  ஸ்லோகத்திலிருந்து நூற்று  அறுபத்து மூன்றாவது  நாமாவளிலில் இருந்து மேற்கொண்டு பார்ப்போம்.

அந்த நாமாவளிகளிலும் அம்பாளை நிர்குணஸ்வரூபியாக வழிபடுவதன் பலன்களையும் அது தொடர்பான விளக்கங்களையும்  பார்க்கப் போகின்றோம்

இந்த பதிவுகள் அனைத்தையும் இதனுடனே ஒலி வடிவமாவும் தினம் மேலும் விளக்கமாகத் தந்து வருகிறேன். அவசியம் அதையும் கேட்டு அம்பாளின் அருளுக்குப் பாத்திரமாகுங்கள்.

ஓம் நமசிவாய:

சிவதாஸன் ஜகன்நாதன்  

செவ்வாக் கிழமை,2, டிஸம்பர், 2025   

அனைவருக்கும் வணக்கம்.